ATI MAAL JETTA? KAAYYOON JIREEYNAA SALPHAATTI HUBACHUUF.
Namoonnni lama magaalaa Finfinnee irra gara lixaatti pirojektii ijaaruuf adeemsa jiru. Karaa gara lixaatti hedduu erga deemanii booda inni tokko isa kaaniin yaada amatu gara koo dhufee jira jedheen inni kaanis natti himikaa jedheen. Sana booda wantoonni kun inni tokko nama gammachiisa inni kan biraan ammoo kan nama gaddisiisuudha jedheen. Inni nama gammachiisa
Waa'ee kaayyoo jireenyaa kitaabilee fi maxxansaawwan garagaraa
dubbistee jiraachuu dandeessa. Kitaabileen ykn maxxansaawwan kanneen kaayyoo qabaachuu
qabda siin jedhu. Wanti dhokataan garuu akkamitti kaayyoo akka qabaattuu fi
akka hojiitti hiikuu sin tartiibaan kan si barsiisan miti. Barreeffamni kun
garuu faallaa isaan kanaa tartiibaan maal gochuun akka siif ta'u kan si agarsiisa.
Obsaan dubbisuun bu'aa dhugaa buufadhu.
Nama kaayyoo hin
qabne jechuun eessa ga'uuf akka deemu nama hin beekne jechuudha. Isaan kaan
immoo Kaayyoon koo kana ykn sana milkaa'inan xumuruudha jedhu. Kaayyoon kun
karooraa yoo hin hoogganamin gonkumayyuu faara milkaa'inaa hin qabu.
Kanaaf barreeffamni kun guutummaatti kaayyoo jireenya keetii
hin beektu yoo ta'e 100% kaayyoo jireenya akka si habachiisu waadaan siif
seena. Ati garuu hanga xumuraatti dubbisuun wantoota gochuun sirraa eegamu
raawwachuudha. Dubbisa gaarii!!
Kaayyoo jireenya keetii beekuuf gaaffii waan gaditti siif kennan
bilisa ta'uun waraqaa barachuun erga barreessite booda deebii isaanii deebisuu
qofaatu sirraa eegama. Hubadhu kan ati deebistu maatiin kee, hiriyoonni kee ykn
namoonni naannoo kee kan si ergan miti kan deebistu. Ofii keetii kan barbaadu
qofa. Sana booda ija keen utuu argituu kaayyoo jireenya keetii maal akka ta'e
beektaa.
Maal hojjechuu barbaadda?
Maal hojjechuu barbaadda jechuun gara fuula duraatti. Nama
bizinesii ta'uumoo, baratee xumurtee hojii ta'een qacaramuumoo waan baay'ee barreessuu
dandeessa. Waan baay'ee hojjechuu barbaadda ta'uu danda'a hundumaa isaa
barreessi, tokkos yoo ta'e isuma barreessi.
Gaaffii 2
Maal ta'uu barbaadda?
Fakkeenyaaf waggaa shan booda Injineerii ta'uun barbaada,
sana biratti immoo bizinesii dhuunfa koo qabaachuun barbaadda fi kkf jechuu dandeessa.
Yeroon isaa daangaa hin qabu maal ta'uu akka barbaaddu qofa barreessi.
Gaaffii 3
Maal qabaachuu barbaadda?
Gaaffiin kun qabeenya wajjin kan wal qabatuudha. Qabeenya
akkamii? Konkolaataa akkamii? Qabeenya hammamii? Qabaachuu barbaadda? Baay'ee ta'uu
danda'a hunduma barreessi.
Gaaffii 4
Maal taate argamu barbaadda?
Kun gaaffii saaykoloojii wajjin walqabatudha. Ani yeroo hanganaa
booda nama ofitti amanamummaa guutuu qabu ta'uun barbaada, namootaa wajjin kan
waliigalu, gammadaa, beekamaa, namoota biratti kan kabajamu. Waan taatee argamuu
barbaaddu hunda barreessi.
Gaaffii 5
Eessa deemuu feeta(barbaadda)
Fakkeenyaaf namni tokko Itiyoophiyaa yoo jiraate gara biyya ambaa
deemee bashannanni, gara magaalaa tokkoo deemee pirojektii ta'e hojjachuuf. Yaadi
baay'een siif dhufuu danda'a hunduma isaa barreessi.
Kutaa 2
Gaaffiiwwan olitti barreeffamaniif deebii isaanii erga deebiteen
booda tokko tokkoon isaanii fuula duraatti yoom milkeessuu akka dandeessu yeroo
itti raawwatamu barreessi. Karooraa dhugaa karoorsi(qajeelfama ittiin karoora hojiitti
hiikamu baruuf as tuqi).
Yeroo hagamii keessatti akka milkeessuu dandeessu barreessi.
Fakkeenyaaf namni tokko faarmaazii baradhee qacaramee akkasumas
kilinika dhuunfaa koo qabaachuun barbaada jechuu danda'a. Kana yommuu jedhu
namni kun barataa Yuunivarsiitii yoo ta'e baratee xumuree eebbifamuun sana
booda hojii jalqabuun muuxannoo erga kuufatee booda ta'uu danda'a. Kunis
waggoota ja'a ykn torba itti fudhachuu danda'a. Nama barnoota sadarkaa
lammaffaa irratti argamu tokko immoo waggaa kudhan fi isaa ol itti fudhachuu
danda'a. Akkasuma immoo nama eebbifame hojjechaa jiru waggaa lama ykn sadii
itti fudhachuu danda'a.
Akkaataa umurii fi sadarkaa irra jiruutti nama hundumaaf
yeroo garagaraa ta'a. Kana booda haalli gara fuula duraatti jiru bifa
fakkiitiin sammuu kee keessatti uummamu jalqaba.
Yeroo itti raawwatamu erga barreessiteen booda akkataa dheerina
yeroo isaan fudhatanin addaan qoqqoodi.
1. Karoora yeroo gabaabaa
Waggaa tokko ykn bara kana keessa kanneen milkaa'an.
2. Karoora yeroo giddu-galeessaa
Waggoota sadii keessatti kanneen raawwataman.
3. Karoora yeroo dheeraa
Waggoota shan keessatti kanneen milkaa'an.
Isaan waggoota shanii olii immoo kaayyoo jireenyaa jechuun
addaan baasi.
Kaayyoon jireenyaa armaan olitti barreeffaman kunneen yeroodhaa gara yerootti kanneen fooyya'an, kan sirreeffamaniidha malee akka dhaabbatanitti kan hafan seera uumaa miti. Yeroo itti dabaluun.barbaachisu ni jira akkasumas yoo kan ulfaatau ta'e yeroon itti irraa hir'famus ni jira.
Hiikaan olitti ibuuf yaalame kan namni tokko umurii jiraatu keessatti akkasitti hojjechuun ykn akkasitti jiraaachuun qaba jechuun murteeffatuudha. Akkaataa haala addunyaa kanaatti yoo ilaalle garuu aayyoon jiraachuu maal akka ta'e hubachuun haalan rakkisaa kan ta'ee fi beektota hedduu kan walfalmisiiseedha.