Akkamitti Hariiroo gaarii pirofeesara kee wajjin uumuu dandeessa.

Hojii koolleejjii keessatti qabdu irratti eenyutu baay'ee si gargaara? Pirofeesara gosa barnootaa keeti! Isaanii wajjin wal baruuf yaaluun yaada gaariidha. Sababni isaas pirofeesarri kee  gosa barnootaa sana qofaaf otoo hin taane kuusaa odeeffannoo baay'eeti. Eenyu akka nama qacaruu danda'u. Hariiroo gaarii pirofeesara kee wajjin yoo qabaatte xalayaa deggersa (recommendation letter) akka siif barreessuuf gaafachuu dandeessa.

Akkasumas ogeessota industirii waan ta'aniif yoo dipartimentii hawwii kee hordofan yoo jiraatte pirofeesara kee wajjin hariiroo gaarii uumuuf yoomiyyuu duuba hin deebi'in.  Hariiroo gaarii uumuuf akkaataa itti eegaltuu fi haala gaariin itti fugtuuf qajeelfamoota hubachuu barbaachisan naannoo jiru. Kanneen gadii kun qajeelfamoota hubachuu qabaminiidha.

1. Waa'ee isaanii bari.

Hunda dursitee waa'ee pirofeesarota isaanii fuula marsaritii(websaayitii) Yuunivarsiitii yookiin koolleejjii isaanii irratti ni maxxansu. Achi irraa maal irratti akka ispeshiyaal godhan, fedhii qorannoo, odeeffannoo dhuunfaa, seenaa barnootaa isaanii fi yeroo boqonnaa isaanitti maal hojjetan argachuu dandeessa. Yoo kana hin arganne immoo gara Google seenuun barreeffamota isaan maxxansan ilaali. Obsaan waa'ee isaanii baruuf carraqii sirraa eegamu hunda raawwadhu.

2. Akkamitti Qunnamtii akka uumtu barbaadi.

Maqaan taayitaa isaan barbaadan garagara. Isaan Dr, isaan kaan Mr ykn Ms filatu. Ati garuu akkaataa isaan itti of ibsame irratti xiyyeeffannoo kennuun maqaan taayitaa isaan ittiin of ibsan kan namoonni akka ittiin isaan waaman ibsa. Kanaaf akkaataa isaan itti waamamuu barbaadanitti isaan waami. Yoomiyyuu taanaan iyyuu kabaja agarsiisi.

3. Imeeli barreessiif

Imeeli yeroo barreessitu akkataa seera qabeessa ta'een kabajaa fi yaada qulqulluu bifa salphaa gabaabsitee barreessuu qabda. Ergaa kee haala gabaabaan ibsi yeroo hunda galatoomaa jechuun xumuri.

4. Gaaffii gaafadhu

Callisteedhuma hin gaafatin. Yeroo pirofeesarri kee erga barsiisee xumure booda namni gaaffii qaba jedhee gaafatu gaaffii barannoo sanaan walqabatu gaafadhu. Fedhii isarraa barachuuf qabdu mul'isi.

5. Yeroo biirootti argaman quunnami.

Yeroo jalqabaatiif nagaa gaafachuun wantoota gosa barnootaa inni barsiisuun walqabatan gaaffii muraasa gaafadhu. Akkasuma guyyaa kan biraa gaffilee fi asaaymentiin akkasumas kitaabilee barbaachisoo ta'an gaafachuun walitti dhufiinsa keessan cimsaa deemi. Itti aansuun waa'ee akkaataa barnoota isaanii maaliif akka gosa barnootaa sana akka filatan akkasumas maaliif pirofeesara akka ta'an gaafachuu dandeessa.

6. Hariiroo kee itti fufinsaan cimsi

Pirofeesara hariiroo cimaan wajjiin turuu barbaadde itti fufinsaan hariiroo kee eegi. Eenyuun akka isaan beekan hin beektu, tarii barataa barbaadaa jiru ta'a. Hariiroo dhugaa fi bu'a qabeessa uumuuf yeroodhaa yerootti karaa walqunnamtan qopheessuuf yaalii gochuutu sirraa eegama. Kanaafuu kaayyoo kee galmaan ga'uuf wareegama sirraa eegamu hunda raawwadhu. Waan adda miti kaayyoo ofii akkamitti maal akka ta'e beekuun danda'ama?(akkamitti kaayyoon kee maal akka ta'e beekuu ni barbaaddaa?  As tuqi.

Barreeffamni olitti dubbiste karaa hariiroo gaarii itti uumuu dandeessuuf si gargaareeraa? Komentii (comment) irratti nuuf barreessi. Galatoomaa!!